Фудбалерите на Жирона денеска на гостински терен триумфираа над Осасуна со 4:2 во натпреварот од 12 коло во најсилното шпанско првенство.

Сè уште не е завршен првиот дел од сезоната, а Жирона веќе ја запиша и 10 победа во „Ла Лига“. Интересно, како за потсетување, лани Жирона во шампионатот оствари вкупно 13 победи.

На табелата моментно е на првото место со 31 бод, три повеќе од второпласираниот Реал Мадрид кој својот меч ќе го има в недела дома против Рајо Ваљекано на македонскиот репрезентативен голман Столе Димитриевски.

На денешниот дуел Жирона поведе во 16 минута, а домаќинот израмни преку хрватскиот интернационалец Будимир во 25 минута.

Будимир се запиша и по вторпат во листата на стрелците во 55 минута за 2:1, а за нов егал на мечот се погрижи Довбик во 71 минута.

Победата за гостите ја обезбедија Циганков во 80 и Гарсија во 90 минута на стадионот „Ел Садар“ во Памплона.