Црвена звезда има одличен резултат по првиот натпревар во плеј-офот за пласман во групите на Лига Европа.

Денеска на домашен терен белградските „црвено-бели“ со 4:0 на стадионот „Рајко Митиќ“ го совладаа романскиот Клуж.

По еднаш во листата на стрелците се запишаа Павков во петтата, Катаи во 38, Ел Фарду Бен во 68 и Иваниќ во 77 минута од средбата.

Реванш мечот ќе се игра на 26 август, победникот ќе игра во групите на Лига Европа, а поразениот во групите на Конференциската лига.

Во ЛЕ за в среда е закажан дуелот Селтик – АЗ Алкмаар, а в четврток Омонија – Антверп, Рандерс – Галатасарај, Славија Прага – Легија, Мура – Штурм Грац, Фенербахче – ХЈК, Олимпијакос – Слован Братислава, Ренџерс – Алашкерт и Рапид Виена – Зорја Луханск.