Пожар предизвикан од можен краток спој уби најмалку шест пациенти во најголемата државна болница во северозападниот индиски град Џајпур, а петмина се повредени, соопштија официјални лица во понеделникот.

Пожарот започнал на одделението за интензивна нега во болницата „Саваи Ман Сингх“, „ослободувајќи токсични гасови“, изјавил болничкиот службеник Анураг Дакад за новинската агенција АНИ, додавајќи дека веројатна причина е краток спој.

„Пет пациенти се уште се во критична состојба“, рече тој, додека 13 беа спасени од двете крила на болницата во главниот град на Раџастан, која прима пациенти од целата пустинска држава.

Пожарникарите пристигнале во рок од 20 минути откако пожарот избувнал доцна во неделата на одделот за интензивна нега на неврохирургија, изјави за агенцијата директорот на болницата Сушил Кумар Бати.

Сепак, поголемиот дел од опремата на болницата беше уништена во текот на приближно двата часа потребни за да се стави пожарот под контрола, според телевизиската станица NDTV.

Шефот на полицијата во Џајпур, Биџу Џорџ Џозеф, изјави дека точната причина ќе биде утврдена по форензичка истрага.

Премиерот Нарендра Моди во понеделникот изјави дека е длабоко тажен поради смртта на седум пациенти во пожар во државната болница „Саваи Ман Синг“ во Џајпур.

Во твит објавен од Канцеларијата на премиерот, премиерот Моди изрази сочувство до семејствата на жртвите и им посака брзо закрепнување на повредените, објави Индија Тудеј.