Како и многу јавни личности, така и популарниот американски актер Метју Меконахи за време на пандемијата на коронавирусот решил да стане јутјубер, а првото Јутјуб видео го започна со својата позната фраза „Alright, Alright, Alright“ и најави дека од сега редовно ќе објавува нови содржини на својот канал.

Актерот го снимил видеото во својот дом, а до сега тоа е прегледано повеќе од 200,000 пати.

„Ова е местото на кое ќе ви откривам кој сум, но и кој не сум. Ќе зборувам за тоа во што верувам, а во што не, што правам, а што не… Освен тоа, ќе зборувам и за различните пристапи и верувања во животот кои ги открив во последните неколку години“, изјави актерот.

subscribe, turn notifications on, and giddy up..https://t.co/xJ7d7gI5fy @youtube pic.twitter.com/Nt2zFVStuU

— Matthew McConaughey (@McConaughey) March 15, 2021

Тој додаде дека на каналот ќе додава и интересна и хумористична содржина, совети за тоа како да го живеете животот, како и сите мудрости кои актерот ги открил за повеќе од 50 години од неговиот живот.