
ВИДЕО: Поранешниот холандски репрезентативец Бас Дост колабираше на теренот
На фудбалскиот натпревар во Холандија помеѓу АЗ Алкмар и НЕЦ Најмеген, во самиот финиш во 90 минута, напаѓачот на гостите, Бас Дост, падна на теренот.
Препорачано
Главниот судија ја прекина играта за да му се пружи лекарска помош на Дост. Играчите на двата тима го опколија Дост, штитејќи го и поддржувајќи го додека чекаше лекарска интервенција.
По неколку минути прва помош, Бас Дост итно беше пренесен во болница. Лекарите на терен донеле и дефибрилатор, но нема информации дали навистина го користеле.
– За среќа, ние во Холандија сме добро подготвени за такви работи. Тоа чини животи. Никој од нас не знаеше што се случува додека судијата Јерун Маншот не рече дека Дост дава знаци на живот. Мислам дека Бас имаше многу среќа што лекарскиот тим пристигна толку брзо – изјави директорот на НЕЦ, Вилко ван Шаик, по натпреварот за ЕСПН.
Hollanda ligi mücadelesinde AZ – Nec Nijmegen maçının son dakikasında Nec'in forveti Bas Dost fenalık geçirerek kendini yere bıraktı Nec'in 2-1 üstünlüğüyle devam eden mücadele Ertelendi. Geçmiş olsun @necnijmegenpic.twitter.com/7QYNhc0IGa
— Serhat Kantoğlu (@serhatkantoglu) October 29, 2023
Drama at the @AZAlkmaar @necnijmegen match in The Netherlands – NEC’s Bas Dost collapses towards the end of the match. Players from both sides create a human shield before Dost regains consciousness and is stretchered off. Solidarity from both sets of players and fans. pic.twitter.com/ApF57410FC
— Tom Moldoveanu (@tomapress) October 29, 2023
Тој кажа и дека таткото на Дост бил присутен на стадионот и дека Бас побарал од него да го напушти стадионот.
– Во соблекувалната беше тивко. После ова не можевме да играме фудбал. Одлично е како реагираа од АЗ, никој не мораше ни да го спомене продолжението на натпреварот. Ми се допадна и реакцијата на сите на стадионот, тоа е голема работа во фудбалот. Да се надеваме дека наскоро ќе биде подобро. Сето ова е нереално. Фудбалот веќе не е важен, ова остави впечаток на сите нас. Бас е во добри раце, тоа е најважно – додаде Ван Шаик.