ВИДЕО: Победата на Барселона во сенка на страшната повреда на Араухо
Барселона на домашен терен ја победи Селта со 3-1 во 36 коло од „Ла Лига“. Барса поведе со 3:0 со головите на Мемфис Депај (30 мин.) и Пјер-Емерик Обамејанг (41, 48).
Препорачано
-
1
-
2
-
3
Селта намали во 50 минута преку Јаго Аспас, но само осум минути подоцна гостите останаа без исклучениот Муриљо и тука се зголемија проблемите на Селта.
Победата на Барселона остана во сенка на страшната повреда на играчот на Барселона, Араухо. Во 63 минута дојде до судир со глави на двајца играчи на Барселона.
Во судирот се најдоа играчот од средниот ред Гави и младиот дефанзивец Роналд Араухо, два големи таленти на каталонскиот клуб. По сударот Гави остана да лежи на тревникот држејќи се за глава, а Араухо ја продолжи играта и истрча уште 30 метри, а потоа се случи сцена по која целиот стадион замолкна. Судирот можете да го погледнете ТУКА
Ronald Araujo was taken to the hospital after this clash of heads with his teammate Pablo Gavi. Best case scenario here is mild concussion with no orbital fracture. The good news is it was reported he never lost consciousness. Head injuries need to be taken more seriously #Barca pic.twitter.com/O5QBRQZpH0
— The Injury Physio (@injurysio) May 10, 2022
Араухо колабираше, изгуби свест и падна на тревникот. Брзата помош веднаш пристигна и фудбалерот на Барса беше префрлен во болница. Веднаш по натпреварот се огласи и Барселона. Клубот најпрвин на Твитер објави дека Араухо е префрлен во болница на тестови, а потоа му испрати порака со поддршка.
LATEST NEWS | Ronald Araujo has suffered a concussion and has been taken to the hospital to undergo further testing pic.twitter.com/XdcgtO2dpn
— FC Barcelona (@FCBarcelona) May 10, 2022
Thinking of you, Ronald pic.twitter.com/mMs2RKRx82
— FC Barcelona (@FCBarcelona) May 10, 2022
– Роналд Араухо доживеа потрес на мозокот и е однесен во болница за дополнително тестирање – информираа од Барса.
Каталонскиот тим со оваа победа практично се зацврсти на второто место зад шампионот Реал Мадрид. На табелата води Реал со 81 бод, Барселона е втора со 72, Севиља е трета со 65, додека Селта Виго е на 11 позиција со 43 бодови.
