Новонастанатата политичка состојба во Македонија повторно предизвика силен бран на омраза заснован на етничка и политичка припадност. Од поделбите на победници и поразени, предавници и патриоти, па се до закани со војна, реваншизам, бесење, стрелање.

Иако за овие феномени кои и тoa како влијаат врз општествената кохезија, а особено врз помладите Европскиот суд за човекови права е многу ригорозен во поглед на говорот на омраза од страна на политичарите, кај нас тие наидуваат на слаба реакција од институциите.

Ова од таму што ниту еден случај добил судска разрешница.

– Да не го заборавиме 27 април кога имаше многу силен говор на омраза и повици на насилство. Не треба да се занемарува тој феномен како нешто што е минорна работа, нешто на што не треба да му се обрне внимание. Не станува збор само за санкционирањето, потенцира извршната  директорка на Хелсиншки комитет Уранија Пировска, во гостувањето во Утрински брифинг.

Според неа се потребни повеќе активности во сите аспекти.

-Прво нашето образование не е соодветно за околностите во нашето општество. Ние сме мултиетничка средина во која младите луѓе треба да учат за историјата, за културата, за фолклорот на другите млади луѓе коишто живеат заедно со нив. Кај нас младите луѓе воопшто немаат познавање за туѓата култура, за туѓата историја, за туѓиот фолклор и не се разбираат и од тие причини тој говор на омраза уште повеќе кај нив предизвикува револт, омраза и понатаму предизвикување инциденти и други кривични дела од омраза во кои на крајот тие самите се жртви, изјави утрово Пировска.

Разговорот погледнете го во видеото: