Ана Петровска, кандидат за градоначалник на Скопје од „Зелен хуман град” соопшти дека како градоначалник на главниот град ќе почне со три процеси – решение за цврстиот отпад, нов Генерален урбанистички план за ред во урбанистичкото планирање и , како што вели, отворање нови зелени работни места.

– Прво, решавање на цврстиот отпад – за три месеци решавање на подигањето на комуналниот отпад, за шест месеци селектирање и компостирање на органскиот отпад, за да се намали обемот и испуштањето метан на депониите, за девет месеци чистење на депониите, обезбедена техничка документација за Вардариште, формализирање на неформалните собирачи и нивно санкционирање за палењето гуми, кабли и мебел, наведува Петровска.

Втор процес, како што вели, е носење нов ГУП за да се воведе ред во урбанистичкото планирање и да добиеме хумани соседства со многу зеленило и одржлив транспорт, а трет приоритет доколку биде избрана за градоначалник на Скопје и е отворање нови зелени работни места.

Извор: МИА