ВИДЕО: Пароли од протестите во Иран се појавија на Ајфеловата кула
На Ајфеловата кула во Париз денеска беа објавени пароли од иранските протести во знак на солидарност со жените кои се борат за поголеми права во таа земја.
Некои од главните слогани на протестите во Иран – „Жена. Живот. Слобода.“ и „#СтопЕкзекуцииВоИран“ – се појавија на прочуената кула во француската престолнина, четири месеци откако избувнаа жестоките протести поради полициското убиство на 22-годишната Иранка Махса Амини. Таа почина во притвор, откако беше уапсена од иранската „морална полиција“ поради тоа што неправилно ја носела шамијата на главата, која во земјата е задолжителна за жените на јавни простори. Смртта на Амини предизвика бран од насилни антивладини протести ширум Иран, во кои досега загинаа стотици луѓе, а илјадници беа уапсени и се соочуваат со затвор и дури со смртна казна.
Video of the Eiffel Tower tonight in Paris with #WomanLifeFreedom and #StopExecutionsInIran projected on it in honor of the people of #Iran. #France should match this gesture with action in supporting EU listing #IRGCterrorists. pic.twitter.com/mcRtm3w68D
— Jason Brodsky (@JasonMBrodsky) January 16, 2023
Минатата недела Франција повика ирански дипломат на разговор поради егзекуцијата на британско-ирански државјанин во Иран, кој беше обвинет за шпионажа и експресно осуден.