Фудбалерите на Палмеирас ја остварија својата прва победа на Светското клупско првенство. Бразилската екипа го победи египетскиот тим на Ал Ахли со 2:0 во второто коло од групата А.

Попрвите 45 минути беше 0:0 на теренот во Њу Џерси, а на стартот од вториот дел (49`) Абу Али од редовите на Ал Ахли си постигна автогол.

Флако Лопес во 59 минута по асистенцијата на Маурисио го постави конечниот епилог.

По нерешениот резултат со Порто, Палмеирас сега има четири бодови, додека Ал Ахли остана на еден.

Следното коло од оваа група ќе се игра на 24 јуни – Палмеирас ќе игра против Интер Мајами, а Ал Ахли за ривал го има Порто.