Актерот Тимоти Шаламе и неговата девојка Кајли Џенер, заедно присуствуваа на турнирот „Индијан Велс“ и го привлекоа вниманието на публиката. За време на натпреварот, камерата неколку пати го прикажа парот, а еден момент стана вирален на социјалните мрежи.

Имено, парот разговараше за време на натпреварот, ги поздравуваше и другите посетители, а Џенер неколкупати го бакна актерот, го прегрнуваше и го задеваше, покажувајќи колку е заљубена во својот избраник.

Тој, пак, како што забележаа многумина, не ѝ посветуваше премногу внимание на својата девојка, туку повеќе беше фокусиран на тенискиот меч. Додека Џенер не можеше да ги тргне рацете од него, неговиот израз на лицето оставаше впечаток дека не му одговараат нејзините допири.

@bnpparibasopen Love-love Timothée, Kylie & Kendall? #timotheechalamet #kyliejenner #kendalljenner #kardashians ♬ original sound – Tennis Paradise

Некои коментираа дека Џенер очајно го посакува неговото внимание, но и дека се однесувала така за да привлече внимание од другите и да покаже дека е среќна во врската.

„Тој едноставно не е заљубен во неа“, „Го препознавам погледот на маж кој е завршен со врската“, „Изгледа како да му е здодевно. А таа малку го форсира своето однесување“, „Ова изгледа чудно. Тој личи на човек кој не сака да биде во врска, а таа како да го искористува за публицитет“, коментираа корисниците.

Тие, наводн, се во врска веќе извесно време, но истата не ја потврдиле официјално. Неодамна заедно се појавија на доделувањето на Оскарите, каде што Шаламе беше номиниран за најдобар актер за филмот „Целосно непознат“ („A Complete Unknown“).