Кошаркарите на Оклахома ја совладаа Индијана со 120:109 на домашен терен и поведоа со 3:2 во финалето на НБА лигата.

Оклахома до победата ја предводеше Џејлен Вилијамс, кој постави нов личен рекорд во плејоф натпреварите со 40 поени. Тој исто така забележа шест скокови, четири асистенции и една украдена топка.

По него следуваше Шеј Гилџес-Александер со 31 поен, 10 асистенции и две украдени топки. Арон Вигинс со 14 и Кејсон Волас со 11 поени исто така беа двоцифрени. Лу Дорт и Чет Холмгрен постигнаа по девет поени, а вториот комплетираше дабл-дабл со 11 скокови.

Кај играчите на Индијана се истакна Паскал Сиакам со 28 поени, шест скокови, пет асистенции, три украдени топки и две блокади.

Тајрис Халибартон го заврши натпреварот со само четири поени, сите од линијата за слободни фрлања – 0/2 за два, 0/4 за три, 4/4 слободни фрлања.