Васко Тодоров, Бранко Огњановски и Бубо Каров, познатото трио од хумористичната емисија „К-15“ на социјалните мрежи им ја честитаа Новата година на сите обожаватели во свој стил.

Имено, тие снимија песна која ја нарекоа „Новогодишна поопштонародна“, а е преработка на нивната стара песна „Новогодишна општонародна“.

Новата верзија на познатиот хит ја направи продуцентот Александар Митевски, во чие студио е снимена, а спотот е во продукција на агенцијата „БДГ“.

„Другари и другарки,
Ви посакуваме среќни празници, многу здравје и љубов, со надеж дека животите ќе ни станат подосадни, а нашите скечеви веќе нема да се толку реални… Благодарност за целата поддршка и љубов низ сите невремиња!“, напишаа тие на официјалната фејсбук-страна на К-15.

ФОТО | Триесет години „К-15“: Миле Паника, Тошо Малерот и Цацко Конопишки се враќаат на малите екрани?