ВИДЕО | Нов тренд на ТикТок зема замав: Младите се снимаат додека даваат отказ
На социјалниот медиум ТикТок, сѐ поактуелен е новиот тренд, каде младите, особено од „генерација З“ и „миленијалци“, даваат отказ на своето работно место, додека се снимаат во живо.
Препорачано
Во последниве неколку години, откако започна пандемијата, младите на различни начини ги напуштаа своите токсични работни места – од „тивкиот отказ“ до отказ преку видео повик, што моментално е еден од најпопуларните начини.
Корисниците на ТикТок, го снимаат или пренесуваат во живо точниот момент кога даваат отказ пред своите претпоставени, на работата од која се незадоволни. На овој начин, се чини, тие бараат поддршка од милиони корисници на овој социјален медиум, додека завршуваат едно поглавје од нивниот деловен живот и започнуваат ново.
@durbinmalonsterQuitting my corporate stable job that I love in this economy??? Y’all should have seen my dads face when I told him hahaha.♬ original sound – Darby
Ознаката „квитток“(„quittok“), моментално има повеќе од 50 милиони прегледи на ТикТок, што покажува дека многумина ја следат оваа содржина.
Експертката Тес Брајгам, вели дека младите луѓе што зборуваат за себе и своите права е добра работа, а тоа што постои платформа, како ТикТок за да ги изразат своите чувства е навистина важно. Ваквиот начин на давање отказ е доста вообичаен за младите, бидејќи се пораснати во ерата на интернетот, па за нив е природно, јавно да споделуваат приватни моменти и пресвртници во нивниот живот. Според неа, на овој начин се создаваат реални промени во културата.
@humzazafarbnb How I Called My Boss and Quit The 9-5 #airbnbbusiness #rentalarbitrage #airbnbarbitrage #airbnbautomated ♬ RAVE – Dxrk ダーク
Младите најчесто се соочуваат со проблемот, каде добиваат една шанса да остават впечаток на работното место и сакаат таа да се заснова на нивните вештини и способности, а не врз постапките на лошиот претпоставен или неправедната работна средина.
Таа советува, дека младите треба да се фокусираат на тоа како може да ја претстават својата способност за работа, да ги надминат предизвиците и да бидат издржливи кога работите не одат како што сакаат.
