Новиот документарец го прикажува проблематичниот живот на поп-ѕвездата Бритни Спирс по завршувањето на 13-годишното „заробеништво“. Во него се зборува за  менталното здравје и проблемите во врската на 41-годишната пејачка, пренесува „Фокс њуз“.

„Бритни живее речиси во изолација. Поголемиот дел од времето е сама дома“, рече извршниот продуцент на TMZ, Чарлс Латибодер.

Истражувањата на „Ти-ем-зи“, тврдат дека ноќите ги поминува возејќи низ Лос Анџелес со часови. Посочуваат дека знае да спие со денови, а потоа после тоа консумира разни енергетски пијалоци за да остане будна. Слободното време дома го поминува во изолација вежбајќи и објавувајќи разни необични содржини на социјалните медиуми. Таа всушност е во виртуелна изолација.

Се вели дека ги нема видено скоро цела година нејзините синови, бидејќи не се во добри односи. Таа исто така, е обвинета дека има „нестабилен“ брак со нејзиниот сопруг Сем Асгари. Речиси една година откако парот се венча, таа наводно физички го нападнала во повеќе наврати,.

По овој документарец, медиумите се обидоа да дојдат до нејзините претставници и коментари, но таа не се огласи. Некое време подоцна, нејзиниот сопруг Сем Асгари го осуди објавувањето на документарецот, нарекувајќи го „одвратен“.