Фудбалерите на Њукасл денеска на домашен терен забележаа победа против Тотенхем со убедливи 4:0, во натпреварот од 33 коло во Премиер лигата. Стрелци за победничкиот тим беа Александар Исак во 30 и 51 минута, Ентони Гордон во 32 и Фабијан Шер во 87 минута.

Исак го постигна првиот гол по асистенцијата на Гордон и очајната реакција на одбраната на Тотенхем и феноменалната контра на Њукасл.

Само 120 секунди подоцна подоцна меѓу стрелците се запиша и Гордон, одбраната на Тотенхем повторно реагираше лошо, напаѓачот на Њукасл тоа го казни и погоди за 2:0.

Сè беше готово на овој меч кога Исак го постигна вториот гол на стартот од второто полувреме, а овојпат во улога на асистент се најде Гимараеш. Конечниот епилог во самиот финиш од натпреварот го постави Шер со глава по асистенцијата на Гордон од корнер.

Њукасл ја забележа 15 победа оваа сезона и моментно е шести на табелата со 50 бодови, додека Тотенхем е на петтата позиција со 10 бодови повеќе.

Играчите на менаџерот Еди Хау во следното коло од Премиер лигата ќе гостуваат кај Кристал палас, додека екипата предводена од Анге Постекоглу ќе го пречека Арсенал.