фото: EPA-EFE/Andrew Yates

ВИДЕО: Њукасл го совлада Тотенхем со 6:1 во Премиер лигата

Тотенхем доживеа дебакл на стадионот „Ст. Џејмс`Парк“ откако загуби со 6:1 на гостувањето кај Њукасл во рамките од 32 коло во Премиер лигата.

Во текот на првото полувреме Тотенхем за 20 минути прими дури пет голови, а во тој период по двапати во листата на стрелците се запишаа Исак и Марфи, а еднаш Жоелинтон за 5:0 позитива на домаќините.

Единствениот погодок гостинските играчи го реализираа во 49 минута преку Кејн, а конечниот епило го постави Вилсон во 67 минута.

Њукасл направи уште еден чекор напред кога е во прашање влезот во групите на ЛШ за следната сезона.

Моментно составот на Еди Хау е на третата позиција со 59 бодови, колку што има и Манчестер јунајтед на четвртото место, со напомена дека „црвените ѓаволи“ имаат еден натпревар помалку. Тотенхем после 11 пораз, втор во низа, се наоѓа на петтото место со 53 бодови.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот