Веднаш по последниот свиреж на судијата Турпан со кој беше означен историскиот триумф на фудбалската репрезентација на Македонија над Италија од 1:0 во полуфиналето на бараж натпреварот за пласман на СП во Катар, граѓаните излегоа на улиците низ целата земја за да го прослават големиот успех.

Насмеани и распеани еуфорични лица во автомобили од кое се вееја македонски знамиња дефилираа низ улиците на сите градови низ Македонија, а еуфорично беше и во Палермо каде „фалангата“ продолжи да ја прославува големата победа над актуелниот европски шампион.