бобан николов
Бобан Николов пред трансфер во редовите на романскиот клуб ФЦСБ/фото: EPA-EFE/Sergey Dolzhenko

ВИДЕО: Николов со гол во Лигата на шампионите, стрелаше за реми против Шахтјор

Вечерва се одиграа последните натпревари од групата „Д“ во Лигата на шампионите, Реал Мадрид го обезбеди првото место со триумфот над Интер (2:0), додека нерешено одиграа Шахтјор Доњецк и Шериф Тираспол (1:1).

„Кралевите“ со головите на Крос во 17 и Асенсио во 79 минута славеа против „нераѕурите“ во чии редови помеѓу двата погодоци црвен картон доби Барела (64`).

Играчите на Карло Анчелоти на конечната табела остварија пет победи со 15 бодови, пред Интер кој освои 10.

На третата позиција се најде Шериф Тираспол (седум бодови) кој својот меѓународен настап ќе го продолжи во Лига Европа, а на дното заврши Шахтјор со два бодови.

На денешниот дуел во Киев Украинците поведоа во 42 минута со голот на бразилскиот интернационалец Фернандо.

За молдавскиот претставник целото второ полувреме го одигра македонскиот репрезентативец Бобан Николов. Нашиот играч успеа во самиот финиш да го спаси својот клуб од пораз, односно во 93 минута ја затресе мрежата на Пјатов. ГОЛОТ НА НИКОЛОВ МОЖЕТЕ ДА ГО ПОГЛЕДНЕТЕ И НА СЛЕДНИОТ ЛИНК ТУКА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот