Меган Маркл имаше прилично незгоден момент на модната ревија на „Баленсијага“ кога се сретна со дизајнерот Паоло Пичоли, кога несмасно се обидоа да се поздрават и речиси се бакнаа во уста, пишува „Дејли мејл“.

@saintleon They almost kissed 😭 #meghanmarkle #balenciaga #runaway #parisfashionweek #princeharry ♬ original sound – Saint Léon

Имено, видеото споделено на TикТок покажува како изгледала нивната средба, а го доловува и моментот кога Маркл го прегрнала дизајнерот и се обидела да го бакне, но тој се оттргнал. Таа се обиде да го сврти другиот образ, но речиси се бакнаа во уста. На крајот, почнаа да се смеат на прилично незгодната ситуација во која се најдоа.

Сепак, тие го завршија поздравот со насмевка и се свртеа кон фотографите за да позираат.

Меган изненади многумина со својот изглед. На ревијата носеше бела туника со долги ракави, во комбинација со лелеава наметка и бели панталони со широки ногавици.

Пјерпаоло Пичоли, кој претходно беше клучна фигура зад успехот на брендот „Валентино“, неодамна ја презеде функцијата креативен директор на „Баленсијага“, наследувајќи го Демна Гвасалија на таа позиција.