Како што старееме, одржувањето на когнитивното здравје станува сè поважно. Генетиката секако има своја улога, но не може да се занемари фактот дека животните навики – особено исхраната – можат значително да влијаат на здравјето на мозокот. Иако е важно да го ограничите внесот на одредени намирници, добрата вест е дека постојат и многу намирници кои можат да ја подобрат функцијата на мозокот и кои можеме да ги вклучиме во нашата исхрана за да го подобриме здравјето на мозокот.

Неврохирургот д-р Брајан Хофлингер сподели неколку такви намирници.

Јаткасти плодови

Јаткастите плодови содржат здрави масти кои се клучни за здравјето на мозокот. На пример, оревите се особено богати со АЛА (алфа-линоленска киселина), растителна омега-3 масна киселина која ја поддржува структурата на мозочните клетки и го намалува воспалението.

„Јаткастите плодови се одличен извор на протеини и здрави масти, особено оревите и ф’стаците“, вели д-р Хофлингер.

Лиснат зелен зеленчук

Зелениот зеленчук е богат со витамин К, кој се поврзува со подобрување на меморијата и когнитивните функции.

На прво место на неговата листа се зеленчукот како спанаќ, кељ и брокула, кои се добар извор на витамин К и фолати, вели неврохирургот.

Риби

Рибите, особено мрсните, како што се лососот, пастрмката, сардината и скушата, се меѓу најдобрите намирници за здравјето на мозокот поради нивната висока содржина на омега-3 масни киселини.

Туната и лососот се некои од неговите омилени избори, бидејќи, како што вели, „тие се богат извор на омега-3 масни киселини и имаат низок удел на заситени масти“, што е одлично за здравјето на мозокот.

@doctorhoeflinger 5 Brain Superfoods. How many of these do you consume? What other superfoods do you like? #fyp #health #diet #food #lifestyle #brain ♬ original sound – Dr. Brian Hoeflinger, MD