Мексиканската државна нафтена компанија „Пемекс” соопшти дека вчера пукнала цевка на подводниот гасовод во Мексиканскиот залив, што предизвика пламен што вриеше на површината на водите на Заливот.

Чамци за контрола на пожар биле испратени на местото на несреќата, наведуваат од компанијата.

Пожарот на океанската површина, западно од полуостровот Јукатан, беше изгаснат вчераутро, соопшти државната нафтена компанија Пемекс, истакнувајќи дека инцидентот бил предизвикан од истекување гас од подводен гасовод.

На социјалните мрежи се појавија снимки од огнената стихија што излегува од водата и наликува на стопена лава. Корисниците на социјалните мрежи ја нарекоа „огнено око” поради нејзината кружна форма, пишуваат британските медиуми.

Компанијата Пемекс соопшти дека биле потребни повеќе од пет часа за целосно гаснење на пожарот.

? Sobre el incendio registrado en aguas del Golfo de México, en la Sonda de Campeche, a unos metros de la plataforma Ku-Charly (dentro del Activo Integral de Producción Ku Maloob Zaap)

Tres barcos han apoyado para sofocar las llamas pic.twitter.com/thIOl8PLQo

— Manuel Lopez San Martin (@MLopezSanMartin) July 2, 2021

Пожарот почнал во подводниот цевковод на нафтената платформа „Ку Малоб Заап”, најважната платофрма на оваа компанија. Компанијата „Пемекс” соопшти дека никој не е повреден во инцидентот и започна истрага за причините за пожарот.

Анхел Каризалес, шеф на регулаторната агенција АСЕА, на Твитер напиша дека пожарот „не предизвика никакво излевање”, но не објасни што точно гореше на површината на океанот.

Нафтената платформа Ку Малуб Заап е најголемиот производител на сурова нафта во Пемекс и произведува повеќе од 40 отсто од речиси 1,7 милиони барели дневно производство.