Денеска во рамките од 36 коло во најсилното италијанско првенство фудбалерите на Наполи дома одигра само реми 2:2 против Џенова.

Домаќините водеа од 15 минута со голот на Лукаку, а израмнувањето дојде во 32 минута по автоголот на Мерет.

Во 64 минута „наполитанците“ повторно беа во позитива со погодокот на Распадори, а гостите успеаја да дојдат до бод со голот на Васкез (84`).

Интер славеше на гостувањето кај Торино со 2:0, првиот гол за миланските „нераѕури“ беше дело на Залевски во 14 минута, а конечниот епилог го постави Аслани од пенал во 49 минута.

Македонскиот репрезентативец Елиф Елмас го одигра целиот натпревар за Торино.

На две кола до крајот на сезоната во Серија А првопласиран е Наполи со 78 бодови, сега само еден повеќе од второпласираниот Интер.

Во следното коло Наполи на 18 мај ќе гостува кај Парма, додека Интер истиот ден ќе го пречека Лацио.