Корисниците на филмската платформа „Нетфликс“ останаа преплашени откако го изгледаа новиот „технолошки трилер“, кој го опишаа како „најстрашниот филм досега“.

Обожавателите на овој филмски жанр со нетрпение го дочекаа јужнокорејскиот мистериозен филм „Unlocked“, кој беше поставен на платформата во февруари годинава.

Имено, филмот ја следи приказната на една млада жена, чиј живот ќе добие ужасен пресврт во моментот кога една опасна личност ќе го искористи нејзиниот изгубен телефон за да го хакира и да го следи секој нејзин чекор.

Според реакциите на интернет, гледачите биле целосно преплашени од грозоморниот филм, а дел од нив искоментираа дека е една од „најстрашните“ содржини кои ги изгледале досега. Еден од корисниците на социјалните медиуми искоментира дека сакал да го фрли телефонот во море откако бил длабоко вознемирен од ужасните настани во филмот „Unlocked“, кој е во режија на јужнокорејскиот филмски режисер Ким Тае-кјун.