Стравот да се биде закопан жив и заробен во ковчег ги прогонува ликовите на писателот Едгар Алан По, а сега е инспирација за 30-минутната игра наречена „Каталепсија“ во која целта е бегство од ковчег и е развиена од шпанската компанија „Хорор Бокс“ во Барселона, објави „Ројтерс“.

„Каталепсија“ се смета за најмалата соба за бегство во светот, каде што учесниците мора да избегаат од ковчег во игра со загатки во живо.

Учесниците имаат 30 минути да се ослободат од ковчегот со решавање на загатки преку тимска работа со својот партнер во соседниот ковчег, комуницирајќи преку разглас.

WORLD’S SMALLEST ESCAPE ROOM: A company in Barcelona, Spain, is taking escape rooms to a whole new smaller level. “Catalepsy,” is being billed as the world’s smallest escape room, where participants must escape a coffin in a live-action puzzle game. pic.twitter.com/2Ii410UFn4

— WSPA 7NEWS (@WSPA7) January 25, 2024

Нив ги следат камерите за видео надзор, вели авторката на играта, Аурора Алварино, која собите за бегство ги дефинира како „теретана за умот“.

Таа вели дека играта има за цел да создаде „ситуација која порано или подоцна сите ќе ја доживееме: нашиот сопствен погреб“.

„Каталепсија“ ја црпи својата инспирација од стравот да се биде закопан жив или тафофобијата, која била широко распространета во текот на 19 век, што се рефлектира во расказот на По „Предвремено погребување“, кој е адаптиран во филм во 1962 година.