Актерот и музичар Џек Блек во понеделникот се појави во “Тунајт шоу“ (The Tonight Show), а уште на почетокот доживеа несреќа која ги насмеа сите во студиото. Водителот Џими Фалон го најави својот гостин, кој влезе во салата свирејќи на гитара.

Блек почна да свири меѓу публиката, а потоа се спушти до бендот. Откако заврши со свирење, се упати кон Фалон. Тогаш пред сите му паднаа панталоните под кои носеше шарени боксерки. Фалон почна да се смее, како и публиката, а на Џек изгледа воопшто не му пречеше.

Откако го прегрна водителот, Блек ги облече панталоните и почна заводливо да ги тресе колковите, а исто така го изведе и својот препознатлив карате удар.

„Носиш топлината. Носиш енергија!”, рекол Џими, а Џек се пошегувал: „Не понесов каиш. Тоа е она што не понесов“.

Инаку, Блек моментално го промовира својот нов филм „Мајнкрафт“ (Minecraft), кој ќе се појави во кината во петок.