Мрачната тајна зад најголемиот хит на Шинејд О’Конор: Принс ме покани во неговата вила, а потоа почна хоророт
Во кариерата одбележана со хитови, но и бројни контроверзии, долгогодишната расправија помеѓу пејачката Шинејд О’Конор и легендарниот музичар Принс, се издвојува како едно од најчудните поглавја од нејзиниот проблематичен живот.
Препорачано
Шинејд почина на 56-годишна возраст во средата, во својот дом во Лондон.
Шинејд во 1990 година стана меѓународна суперѕвезда со својата верзија на „Nothing Compares 2 U“, песна напишана и компонирана од Принс за неговиот спореден проект „The Family“ во 1985 година.
Спотот за верзијата на песната на Шинејд веднаш стана славен, бидејќи на снимката ја отпеа плачејќи со избричена глава. Иако Принс јавно ја пофали нејзината верзија на песната, во различни интервјуа и коментари низ годините, О’Конор тврдеше дека Принс всушност бил бесен на нејзиниот успех и ја поканил на неговиот имот во Холивуд за да ја навредува.
Пејачката на тој начин открила бројни непријатни детали, од кои многу и се бизарни, како тоа дека батлерот на Принс ја принудил да јаде супа против нејзина волја, а Принс ја предизвикал на борба со перници, а потоа ја нападнал со тврд предмет скриен во перница.
Во интервјуто, пак, во 2004 година, О’Конор го нарече Принс „сладок тип“. А, за недоразбирањето ги обвини медиумите и тврдеше дека новинарите ја „напумпале“ приказната.
Всушност, откако Принц почина од предозирање со фентанил во 2016 година, се чини дека О’Конор почнала повторно да го напаѓа, велејќи им на полициските инспектори дека Принс „го обожавал ѓаволот“ и дека тепал жени.
„Тој освен што се дрогирше, беше заинтересиран и за мрачната страна на животот“, им рекла на истражителите од канцеларијата на шерифот на округот Карвер две недели по смртта на Принс, во снименото интервју кое подоцна беше објавено.
О’Конор им рекла на истражителите дека пејачот „се дрогирал цел живот“ и дека „често користел тешки дроги“. Потоа, во нејзините мемоари „Сеќавања“ од 2021 година, О’Конор детално ја опишала расправијата, тврдејќи дека Принс ја „тероризирал“ поради нејзината обработка на песната од 1990 година.
Таа напиша дека Принс ја поканил во својата куќа во Холивуд, ја искарал за пцовките на интервјуата и го терал својот батлер да ѝ послужи супа иако таа повеќепати одбивала. Пејачката тврдела дека Принс предложил да го решат недоразбирањето со пријателска борба со перници, но потоа ја нападнал со „нешто тешко“ вметната во навлаката за перница.
Додека се обидувала да ја напушти неговата „грозоморна“ куќа, О’Конор опишала како Принс ја зграпчил и ја влечел кон својот автомобил, поради што таа истрчала до соседната куќа и панично ѕвонела кај соседите. Дури тогаш Принс застанал.
Ирската пејачка тврди дека имало неколку причини зошто Принс наводно станал насилен во текот на нивната средба.
„Прво, Принс не сакаше луѓето да ги обработуваат неговите песни. Второ, ги имаше сите овие женски штитенички и го нервираше што јас не сум една од нив“, напишала во своите мемоари и продолжила:
„Трето, мојот менаџер Стив Фарњоли беше негов менаџер и беа вклучени во правен случај. Згора на тоа, тој беше идиот што тепа жени. Сигурно не сум единствената жена на која кренал рака“, додала Шинејд.
ВИДЕО | Најпознатата песна на Шинејд О’Конор, којa расплака милиони ширум светот
