Кошаркарите на Минесота синоќа на гостински терен го победија тимот на Далас со 105:100 и со тоа го намалија резултатот на 3:1 во финалето на Западната конференција во НБА лигата.

Тимбервулфс водеа во последните пет минути од секој натпревар во ова финале, но овојпат успеаја да победат и да ја продолжат серијата.

Најзаслужен за победата на Минесота беше Ентони Едвардс со 29 поени, 10 скокови и девет асистенции, додека Карл Ентони Таунс додаде 25 поени, од кои 20 во вториот дел.

Лука Дончиќ беше најдобар во редовите на Маверикси со 28 поени, 15 скокови и 10 асистенции за својот шести „трипл-дабл“ во овој плеј-оф, но тој и Кајри Ирвинг погодија само 13 од 39 од поле во овој меч. Ирвинг натпреварот го заврши со 16 поени.

Следниот натпревар од оваа серија ќе се игра ноќта меѓу четврток кон петок, а домаќин ќе биде Минесота.

Победникот од оваа серија ќе игра во големото финале на НБА лигата против Бостон, кој во источното финале славеше против Индијана со 4:0.