Милан имаше шанса вечерва во Салерно во рамките од 26. коло да ја зголеми бодовната предност пред најголемите ривали за титулата во Серија А, но освои само бод против моментно најслабопласираната екипа во италијанскиот шампионат.

„Росонерите“ ја имаа фаворитската улога, но освои бод на гостувањето против екипата на Салернитана (2:2).

Уште во петтата минута водеше Милан со голот на Месиас, а домаќинот израмни во 29 минута со погодокот на Бонацоли.

Босанскиот интернационалец Ѓуриќ донесе изненадувачка предност за домашните во 72 минута, но нивната радост траеше само четири минути, бидејќи за нов егал се погрижи Хрватот Ребиќ.

Милан останува на првото место на табелата со 56 бодови, со два натпревари повеќе од второпласираниот Интер (54), додека Наполи на Елиф Елмас е третопласиран (53) со еден меч помаку од „росонерите“.

ВИДЕО: Дебитантите ја спасија Рома, Мурињо доби црвен картон