Фудбалерите на Милан вечерва победија на гостувањето против Лече со 2:0, во второто коло од италијанската Серија А.

Два гола на Милан во текот на натпреварот беа поништени. Првиот пат беше во четвртата минута кога голот на Матео Габија беше поништен поради прекршок, додека во 60 минута Сантијаго Хименез беше исклучен поради офсајд.

Гостите сепак успеаја на крајот да остварат триумф, а погодоците за триумф на „росонерите“ ги постигнаа Рубен Лофтус-Чик во 66 минута и Кристијан Пулишиќ во 86 минута.

Милан дојде до првите три бода во новата сезона, додека Лече остана на еден бод. Во следното коло, Милан ја пречекува Болоња, а Лече е домаќин на Аталанта.

Претходно екипата на Кремонезе на домашен терен со 3:2 славеше над тимот на Сасуоло.