Рускиот тенисер Данил Медведев на шокантен начин ја заврши својата грен-слем сезона, откако беше елиминиран уште во првото коло на САД Опен, губејќи од Французинот Бенжамен Бонзи по вистинска маратонаска битка која траеше речиси четири часа.

Бонзи славеше со 3-2 во сетови (6-3, 7-5, 6-7, 0-6, 6-4), но мечот понуди драматични пресврти и неочекувани ситуации какви што ретко се гледаат на вакво ниво.

Французинот имаше меч-топка уште во третиот сет и изгледаше како да ќе го реши мечот рутински, но тогаш се случи вистински хаос. По промашениот прв сервис, еден фотограф помисли дека мечот е завршен и влезе на теренот. Судијата Грег Аленсворт донесе контроверзна одлука и му додели нов прв сервис на Бонзи. Тоа го разбесни Медведев, кој влезе во расправија со судијата и со публиката, па натпреварот беше прекинат шест минути.

Full video of the Medvedev-Bonzi-umpire-photographer drama that COMPLETELY changed the match.

Gotta feel for… Benjamin. Had to stand for 6 minutes before serving on match point while the stadium turned into a circus. A mess. pic.twitter.com/wkEz3B4K6B

— José Morgado (@josemorgado) August 25, 2025

Од тој момент, Медведев целосно се разбуди, освои неверојатни десет гема по ред и од 0-2 во сетови израмни на 2-2, носејќи го мечот во решавачки петти сет. Но таму следуваше нова драма. Бонзи два пати губеше свој сервис, но исто така направи и два рибрејка, за на крајот, во десеттиот гем, да го искористи падот на Медведев и да го освои мечот.

Со оваа победа, Французинот обезбеди пласман во второто коло, каде ќе се соочи со Американецот Маркос Гирон, кој во пет сета беше подобар од Аргентинецот Навоне.