Фудбалерите на Лацио и Торино денеска одиграа спектакуларно реми 3:3 на стадионот „Олимпико“ во Рим во рамките од шестото коло во најсилниот италијански шампионат.

Гостите поведоа во 16 минута од натпреварот со голот на Џовани Симеоне.

Лацио го сврте мечот во своја корист пред полувремето преку Матео Канселиери, кој постигна голови во 24 и 40 минута.

Резервниот играч Че Адамс го израмни резултатот во 73 минута, а Саул Коко постигна уште еден гол во втората минута од судиското продолжение за водство од 3:2 на „биковите“.

Торино не успеа да ја задржи предноста, во 103 минута Лацио стигна до бод од пенал кој го реализираше Каталдо.

Во истиот термин, Лече ја победи Парма на „Енио Тардини“ со минимален резултат 1:0 со погодокот на Сотил во 38 минута по асистенцијата на Гало.