Натпреварот од УЕФА Суперкупот помеѓу Манчестер сити и Севиља во Атина, Грција, донесе многу возбудлива фудбалска претстава, а навивачите имаа можност да уживаат во атрактивен и динамичен фудбал.

Во регуларните 90 минути резултатот беше 1:1, а победникот го дознавме по пенал серијата во која славеше Манчестер сити со 5:4. По првото полувреме водеа Шпанците со погодокот на Ен Несири во 25 минута, а Англичаните израмнија во 63 минута преку Палмер.

Немаше продолженија, па веднаш следуваа пеналите, „граѓаните“ ги реализираа сите удари од белата точка: Халанд, Алварез, Ковачиќ, Грилиш и Вокер.

А на спротивната страна сигурни беа Окампос, Мир, Ракитиќ, Монтиел, но не и Гудељ кој беше трагичар во петтата серија.

На тој начин Манчестер сити за првпат во својата клупска историја го крева пехарот во Суперкупот на Европа.