Во рамките од првото коло во новата сезона од Лигата на Европа, фудбалерите на Манчестер јунајтед на домашен терен ремизираа против Твенте со 1:1.

На стадионот „Олд Трафорд“ после првото полувреме водеше англискиот гигант со голот на Ериксен во 35 минута.

Холанѓаните успеаја да го избегнат поразот во 68 минута благодарение на погодокот на Ламерс.

Лацио убедливо стартуваше со триумф против Динамо Киев (3:0) на неутрален терен одигран во Хамбург, Германија.

Сите дилеми околу победникот беа решени во првите 45 минута кога римските „небесно-сини“ дојдоа до бодовите со двата голови на Диа и еден на Деле-Баширу.

Во останатите мечеви: Андерлехт – Ференцварош 2:1, Галатасарај – ПАОК 3:1, Лудогорец – Славија Прага 0:2, Митјиланд – Хофенхајм 1:1 и Ница – Реал Сосиедад 1:1.