Кошаркарите на Лос Анџелес лејкерс го совладаа Далас маверикс со 107:99 во НБА лигата на домашен терен.

Ова беше прв натпревар за Лука Дончиќ против неговиот поранешен клуб и имаше значаен придонес за триумфот, откако го оствари првиот трипл-дабл во дресот на Лејкерс.

Словенецот на теренот се задржа 35 минути и за тоа време постигна 19 поени, запиша 15 скокови и 12 асистенции.

Леброн Џејмс беше најефикасен кај Лејкерси со 27 поени, а Остин Ривс додаде 20.

Кај поразените Кајри Ирвинг постигна 35 поени.

Во Западната конференција Лејкерси се на четвртата позиција (35-21), додека Далас е деветтопласиран (31-28).

НБА лига, резултати:

Торонто – Бостон 101:111
Орландо – Кливленд 82:122
Хјустон – Милвоки 100:97
Мемфис – Феникс 151:148
Њу Орлеанс – Сан Антонио 109:103
Голден стејт – Шарлот 128:92
Лос Анџелес лејкерс – Далас 107:99