ВИДЕО: Лука Дончиќ броеше до 47 во победата над Хјустон
Лука Дончиќ имаше нова одлична партија во дресот на Далас овојпат во победата над Хјустон со 125:107 во НБА лигата.
Словенечкиот кошаркар беше најефикасен во редовите на Маверикси погодувајќи девет тројки од 16 обиди, а мечот го заврши со 47 поени, а воедно запиша 12 скокови и седум асистенции за 35 минути на паркетот.
Неговиот Далас со седмата победа во низа го обезбеди шестото место на Западот, а во која важна улога имаше и Кајри Ирвинг со 24 поени и седум асистенции, а помогна и Данте Егзум со 13 поени, со шут за три поени 3/3.
Кај Рокетси доминираше Џабари Смит со 28 поени, следен од Ерон Холидеј кој имаше 16, а Кем Витмор 13.
LUKA?!?
— Hoop Central (@TheHoopCentral) April 1, 2024
НБА лига, резултати:
Бруклин – ЛА Лејкерс 104:116
Шарлот – ЛА Клиперс 118:130
Торонто – Филаделфија 120:135
Вашингтон – Мајами 107:119
Хјустон – Далас 107:125
Минесота – Чикаго 101:109
Њујорк – Оклахома 112:113
Сан Антонио – Голден Стејт 113:117
Сакраменто – Јута 127:106
Денвер – Кливленд 130:101
