Уругвајскиот фудбалски репрезентативец Луис Суарез изјави дека последниот натпревар во репрезентативниот дрес ќе го одигра против Парагвај на 7 септември (сабота) во рамките од седмото коло во јужноамериканските квалификации за СП 2026 година.

– Тешко ми е да го кажам ова, но тоа ќе биде мојот последен натпревар за Уругвај. Размислував и анализирав сѐ. Последниот натпревар ќе го одиграм со истиот ентузијазам како и првиот, кој го одиграв во 2007 година – рече Суарез на прес-конференцијата во Монтевидео.

Тој истакна дека е вистинско време за повлекување од репрезентацијата на Уругвај.

– Знам дека ќе ми биде тешко да играм на следното Светско првенство. Ова е вистинско време да се збогувам со репрезентацијата. Имам свои причини, но тешко е, многу тешко – вели Суарез.

За најдобрата уругвајска репрезентација до сега запиша 142 натпревари со постигнати 69 голови.

Суарез (37) со националниот тим играше на четири Светски првенства, а го освои и Купот на Америка во 2011 година. Моментно е играч на Интер Мајами, а претходно настапуваше за Гремио, Национал, Атлетико Мадрид, Барселона, Ливерпул, Ајакс и Гронинген.