ВИДЕО | Лоша вечер за Барселона: Ремизираше со Билбао и остана без Де Јонг и Педри
![](https://www.slobodenpecat.mk/wp-content/uploads/2024/03/12072571.jpg)
Екипата на Барселона пропушти прилика да ја намали предноста во однос на Реал Мадрид и одигра само реми без голови во вечерашниот натпревар против Билбао.
Вечерашниот натпревар на „Сан Мамеш“ не понуди многу возбудувања и помина во знакот на тактичкото надмудрување на двајцата тренер. Освен што не победи, лоша вест за Барселона се и повредите на Френки Де Јонг и Педри.
Холандскиот играч за врска при еден пад го повреди зглобот и беше заменет уште во 26. минута. Пред крајот на полувремето се повреди и Педри, веројатно потешко. Младиот фудбалер натпреварот го напушти во солзи.
Натпреварот не донесе многу шанси, Кансело имаше еден солиден обид за Барселона, додека на другата страна се обиде Дени Гарсија. Со ова реми сигурно позадоволни се во Атлетик кој е петти со 50 бода, додека Барселона има 58 на третото место.
Каталонците со победа имаа можност и да ја прескокнат Жирона на втората позиција. Во натпреварот кој се играше нешто порано Жирона беше поразена со 1:0 од Мајорка, но остана пред Барселона со еден бод повеќе.