ВИДЕО | Лидс го прослави враќањето во Премиер лигата пред 150.000 луѓе
Фудбалерите на Лидс јунајтед ја освои титулата во Чемпионшип минатиот викенд и обезбеди враќање во Премиер лигата, а овој понеделник ја продолжија својата прослава со голема парада низ центарот на градот.
Препорачано
Околу 150.000 навивачи ги преплавија улиците на овој јоркширски град, претворајќи ги градските улици во море од бело и жолто, за да ги пречекаат своите херои во автобус со отворен кров.
Оваа прослава има посебно значење бидејќи претходното промовирање во елитниот ранг во 2020 година помина без парада поради пандемиските мерки, па навивачите сега го дочекаа овој историски настан со уште поголема страст.
Менаџерот на Лидс, Даниел Фарке, кој ќе остане на клупата следната сезона, беше во центарот на вниманието на прославата, заблагодарувајќи им се на навивачите за нивната неверојатна поддршка во текот на целата сезона.
Трофејот беше подигнат на „Хоум Парк“ во сабота попладне, а денешната парада беше кулминација на месеци борба и заедништво меѓу клубот и градот.
За време на парадата, играчите им се обратија на навивачите, даваа автограми и славеа рамо до рамо со илјадниците собрани. Градот Лидс беше целосно блокиран поради настанот, а градските власти и полицијата се погрижија за безбедноста и непреченото одвивање на прославата.
– Ова е ден што ќе го паметиме цел живот. Овој тим и овие навивачи го заслужуваат тоа. Беа тешки две години, но нема да застанеме. Знаеме дека сè уште имаме многу работа, но сакаме да станеме еден од најдобрите клубови во Европа – рече претседателот на клубот, Параг Марат.
🔥 LEEDS BRINGING THE SMOKE! pic.twitter.com/vlsOgXNi0A
— Leeds United (C) (@LUFC) May 5, 2025
🤯 ONE CLUB, ONE CITY! pic.twitter.com/gRKin5BFIi
— Leeds United (C) (@LUFC) May 5, 2025
