Пејачката Лепа Брена денеска го слави својот 63 роденден, а тоа го објави на својот Инстаграм профил.

Имено, многубројните фанови на Брена преку социјалните мрежи уште од утрината ѝ го честитаат роденденот, а таа објави видео во кое им се заблагодари на сите.

– Ви благодарам драги мои, многу бакнежи од вашата Брена – порача пејачката.

Пејачката покажала и букет рози кои најверојатно ги добила од членовите на семејството, а таа постојано се смешкала.

Инаку, како што истакнува Брена, таа не ги сака своите родендени.

-Ако некој е реален и свесен за одминувањето на времето, како мене, ќе ужива во сè. Имам причина да уживам, бидејќи сум свесна за сè што сум постигнала и имам прекрасно семејство. Сè уште размислувам реално и рационално за животот и уживам во постигнувањата и целите што си ги поставив.

Среќна сум кога моите деца ги реализираат своите цели и кога сè оди по својот нормален тек. Среќна сум кога Боба и јас имаме свои планови. Јас функционирам според системот да пеам, но да го врзам појасот (се смее). Работам, а потоа има и причина да се радувам на годишниот одмор. Инаку, јас не сум љубител на сопствените родендени, повеќе сакам туѓи и детски родендени. Единственото место каде што сакам да бидам во центарот на вниманието се моите концерти, сè друго ми е премногу.

Затоа сакам моите прослави да бидат што е можно помирни, без помпа и лудило. Не ми треба повеќе. Затоа овој роденден го славам со Боба со убав ручек и фантастично вино. Добро ми одговараат годините, среќна сум – изјавила Брена.