Кошаркарите на Лос Анџелес лејкерс го претрпеа третиот пораз во низа во НБА лигата, овојпат од Орландо со 118:106.

Така, „езерџиите“ паднаа на петтото место во Западната конференција, додека Орландо ја прекина серијата од шест порази и моментно е осми на Истокот.

За Орландо Франц Вагнер постигна 32 поени со осум асистенции, додека Паоло Банкеро натпреварот го заврши со 30 поени.

Од друга страна, Лука Дончиќ постигна 32 поени, седум скокови и седум асистенции. Леброн Џејмс додаде 24 поени и осум асистенции, Остин Ривс 18 поени, а Доријан Фини-Смит 14 поени и седум скокови.

НБА лига, резултати: Орландо – ЛА Лејкерс 118:106, Индијана – Минесота 119:103, Вашингтон – Торонто 104:112, Бруклин – Далас 101:120, Њу Орлеанс – Филаделфија 112:99, Денвер – Чикаго 119:129, Феникс – Милвоки 108:106, Сакраменто – Бостон 95:113.