Кошаркарите на Лос Анџелес лејкерс на домашен терен го совладаа Њу Орлеанс пеликанс со 136:115, а натпреварот го одбележа домашниот тим Леброн Џејмс кој стана првиот играч во историјата на НБА лигата кој постигнал 50.000 поени во регуларниот дел од сезоната и плеј-офот.

Пред мечот против Њу Орлеанс, Џејмс имаше 49.999 постигнати поени. Најдобриот играч на ЛА Лејкерс натпреварот против Њу Орлеанс го заврши со 34 поени и стигна до 50.033 постигнати поени во регуларниот дел од сезоната и во НБА плејофот.

Зад Џејмс е поранешниот кошаркар на ЛА Лејкерс, Карим Абдул-Џабар, кој постигна вкупно 44.149 поени.

Словенечкиот кошаркар Лука Дончиќ на дуелот против Њу Орлеанс забележа 30 поени, 15 асистенции и осум скока. Во тимот на Њу Орлеанс најдобар беше Зајон Вилијамсон со 37 поени, шест асистенции и четири украдени топки.

ЛА Лејкерс се на второто место во западната конференција на НБА со 39 победи и 21 пораз, додека Њу Орлеанс е на 14. место со скор 17-45.