ВИДЕО: Леброн Џејмс го урна рекордот на Абдул-Џабар и стана најдобар стрелец во НБА лигата
На натпреварот помеѓу Лос Анџелес лејкерс и Оклахома сити, Леброн Џејмс (38) постигна 36 поени, со што го урна рекордот на легендарниот Карим Абдул-Џабар (38,387 поени) и стана најдобар стрелец во историјата на НБА лигата.
Препорачано
Џејмс го постави рекордот (38,388) пред крајот на третата четвртина, а Лејкерси на крајот загубија од Оклахома со резултат 130:133.
„Кралот“ имаше просек од 30 поени по натпревар оваа сезона, додека во просек имаше 20 или повеќе поени по натпревар во сите 20 одиграни сезони. Во кариерата одигра вкупно 1109 мечеви во регуларниот дел од сезоната, а во 1101 постигна десет или повеќе поени.
– Само сакам да им се заблагодарам на навивачите на Лејкерс, вие сте единствени. На сите што некогаш биле дел од сето ова во изминатите 20 плус години, сакам да им кажам големо благодарам, сите помогнавте. Сета ваша страст и пожртвуваност ми помогна да стигнам до оваа точка. Да се биде во присуство на легенда како Карим е неверојатно, тоа е многу понизно. Ве молам, дајте му на „капетанот“ овации – рече Џејмс.
Џејмс е еден од седумте кошаркари кои ја надминаа границата од 30,000 поени во кариерата, но најмладиот што го оствари тоа. Зад Џејмс и Абдул-Џабар е Карл Мелоун со 36,928 поени, Коби Брајант е четврти со 33,643, а во Топ 5 е и Мајкл Џордан со 32,292 поени.
38,388 POINTS
LeBron James hits the fadeaway jumper to become the NBA’s all-time leading scorer! #ScoringKing pic.twitter.com/P5LyTZAZn3
— NBA (@NBA) February 8, 2023
After 39 years, the NBA has a new #ScoringKing
Salute, @kingjames. pic.twitter.com/NSJqD1kobN
— Los Angeles Lakers (@Lakers) February 8, 2023
