ВИДЕО| Лајчак пристигна на Косово, продолжува блокадата на Бањска кај Лепосавиќ
Влезот преку граничниот премин Јариње во Косово од Србија е блокиран. Според косовските медиуми дозволен е само излез од Косово но не и влез од Србија.
Од утринава состојбата на северот на Косово е тензична, а Приштина испрати специјалци на Косовската полиција кои се концетрирани на влезот во село Бањско кај Лепосавиќ каде утринава беше убиен еден косовски полицаец , а уште еден беше ранет во напад на засега непознати и маскирани лица
Косовската полиција соопшти дека синоќа во 2 часот и 34 минути единицата за брза интервенција на влезот во Бањска забележале два камиони без регистарски таблички, а влезот во ова село преку мостот бил блокиран.
#BREAKING A group of armed masked men that came in an armored vehicle, stormed the Banjska monastery in the north of #Kosovo.#UkraineWarNews #RussiaUkraineWar pic.twitter.com/6sYyHpvSKm
— CBKNEWS (@CBKNEWS121) September 24, 2023
Кога на ова место пристигнале единиците од станицата Звечан, како што наведоа, „наишле на отпор“, биле застрелани двајца полицајци, а еден им подлегнал на повредите.
Припадници на американскиот КФОР и ЕУЛЕКС излегоа на терен откако рано изутрината еден припадник на полицијата на Косово е убиен, а уште еден е ранет во напад на засега непознати и маскирани лица во селото Бањско во Лепосавиќ, во северно Косово.
Косовскиот премиер Албин Курти преку објава на Фејсбук информира дека околу 3 часот по полноќ била нападната косовската полиција во Бањска, а како последица на нападот полицискиот наредник А.Б. е убиен, додека ранет е уште еден граничен полицаец.
#BREAKING A group of armed masked men that came in an armored vehicle, stormed the Banjska monastery in the north of #Kosovo.#UkraineWarNews #RussiaUkraineWar pic.twitter.com/6sYyHpvSKm
— CBKNEWS (@CBKNEWS121) September 24, 2023
Курти вели дека истрелите од огнено оружје продолжуваат и натаму утрово. Тој го обвини официјален Белград дека е одговорен за нападот кој, според него, е насочен против косовската држава.
Косовската претседателка, Вјоса Османи изјави дека денешниот напад врз косовската полиција во северно Косово, во кој е припадник на полицијата е убиен, а уште еден е ранет, е „испланиран, оркестриран и изведен од српските криминални банди“.
По инцидентот, таа, како што соопшти нејзиниот кабинет, ги прекинала сите активности во рамки на официјалната посета на Њујорк и веднаш ќе се врати во земјата.
