Фудбалерите на Лацио славеа минимална победа против екипата на Лече во натпреварот од 20 коло во Серија А. Натпреварот на римскиот „Олимпико“ заврши со резултат 1:0 (0:0).

Стрелец на единствениот гол беше Фелипе Андресон во 58 минута по добрата акција на Луис Алберто. Тоа беше втор гол за бразилскиот фудбалер во италијанскиот шампионат оваа сезона.

По оваа победа „небесно-сините“ скокнаа на петтото место на табелата со 33 бодови, исто толку колку и четвртопласираната Фиорентина. Лече е на 13 место со 21 бод.

Во следното коло Лацио ќе го пречека шампионот Наполи (28 јануари), а претходно ќе се соочи со Интер во Купот на Италија (19 јануари).

Во следното коло Лече има и исклучително тежок противник – тимот на Јувентус (21 јануари).