Maнчестер Сити и Тотенхем одиграа одличен натпревар во 14. коло од Премиер лигата кој на крајот заврши без победник 3:3.

Натпреварот беше динамичен од самиот старт, Сон прво ја затресе мрежата на „граѓаните“ за водство од 1:0 уште во шестата минута, но многу брзо потоа ја погоди и сопствентата мрежа за 1:1.

До целосен пресврт Сити стигна со голот на Фил Фоден по половина час игра. Вистинска драма гледавме во завршницата од натпреварот кога прво Ло Селсо донесе изедначување на 2:2 во 69. минута.

Водството за шампионот го врати Џек Грилиш во 81. минута за на крајот бодот за Тотенхем да го обезбеди Дејан Кулушевски во 90. минута.

Манчестер Сити по ова реми останува трет на табелата со 30 бодови, три помалку од Арсенал, додека Тотенхем е петти со 27 бода.