Фудбалерот на Ал-Наср, Кристијано Роналдо го постигна вториот гол со глава за три дена. Португалецот беше стрелец во 86 минута, и така неговиот клуб избегна пораз во мечот против Замалек во арапскиот Куп на шампионите (1:1).

Замалек поведе со голот на Ахмед Сајед во 53 минута, а Роналдо успеа да израмни и го спаси својот тим од пораз и да му обезбеди подобар пласман на табелата во однос на противникот.

Неговиот тим е на второто место со пет бода, односно една победа и две нерешени од три натпревари, додека Замалек е трет со четири бода, кои ги освои со една победа и нерешено, а имаат и пораз.

Ова е 146 гол во кариерата кој Роналдо го постигна со глава, претходно го престигна легендарниот Германец Герд Милер кој застана на 144 гола, Шпанецот Сантиљана постигна 125, додека Пеле 124 пати во кариерата ја затресе противничката мрежа со глава.

И во својата 22 сезона по ред, Кристијано Роналдо постигнува барем еден гол.

Of course Ronaldo's goal that sent Al-Nassr to the knockout rounds of the Arab Club Champions Cup was a header ?

(via @AlNassrFC_EN) pic.twitter.com/xXQAMLsMXo

— B/R Football (@brfootball) August 3, 2023