ВИДЕО: „Кралска“ вечер во Неапол, Икарди му пресуди на Манчестер јунајтед на „Олд Трафорд“
Во дербито од фудбалската Лига на шампионите одиграно на стадионот „Диего Армандо Марадона“ во второто коло од групата „Ц“ Реал Мадрид славеше против Наполи со 2:3. Домаќините поведоа во 19 минута со голот на Остигард, па израмнија „кралевите“ со погодокот на Винисиус Јуниор во 27 минута.
Препорачано
-
1
-
2
-
3
Белингам по асистенцијата на Камавинга донесе позитива за шпанскиот тим, а Зиелински во 54 минута од пенал се погрижи за нов егал на мечот во Неапол. Конечниот епилог беше поставен во 78 минута кога автогол си постигна несреќниот голман на Наполи, Мерет, од неговиот грб топката заврши во неговата мрежа по силниот удар на Валверде. Македонскиот репрезентативец Елиф Елмас за италијанскиот првак настапи од 69 минута како замена за Политано.
?GOAL | Napoli 2-3 Real Madrid | Valverde
Follow our partner page @ocontextsoccer pic.twitter.com/eKcIydyNVh
— VAR Tático (@vartatico) October 3, 2023
Баерн Минхен ја оправда фаворитската улога кај ФК Копенхаген (1:2), иако Данците први беа во предност од 56 минута со голот на Лерагер. Германскиот шампион направи пресврт благодарение на Мусиала кој стрелаше во 67 минута и Тел во 83 минута.
Интер (1:0) дојде до бодовите на домашен терен против Бенфика, стрелец на единствениот гол за миланските „нераѕури“ беше Тирам во 62 минута.
На стадионот „Олд Трафорд“ Хојлунд го израдува Манчестер јунајтед за предност од 1:0 против Галатасарај. Турците израмнија во 23 минута преку Заха, а Хојлунд донесе нова позитива за „црвените ѓаволи“ во 67 минута, но нивната радост траеше само четири минути бидејќи за 2:2 се погрижи Актуркоглу.
?GOAL | Manchester United 2-3 Galatasaray | Mauro Icardi
Follow our partner page @ocontextsoccer pic.twitter.com/nw80kEaGVp
— VAR Tático (@vartatico) October 3, 2023
ОД 77 минута домашната екипа играше со фудбалер помалку поради вториот жолт картон на Касемиро, а тоа го искористија гостите со гол во 81 минута кога стрелаше Икарди за голема победа на Галатасарај од 2:3. Аргентинецот претходно во 78 минута не реализираше пенал.
Се одиграа уште два меча во ЛШ, Ленс пред своите навивачи го совлада Арсенал со 2:1, а ремизираа екипите на ПСВ и Севиља (2:2).
