Фудбалерите на Реал Мадрид го победија домашниот Атлетик во Билбао со 2:0 во натпреварот од 18 коло на најквалитетното шпанско првенство.

Реал поведе со голот на Карим Бензема во 24 минута, а вториот погодок за „кралевите“ беше дело на Тони Крос во 90 минута.

Составот на Карло Анчелоти има 13 победи и е втор на табелата со 41 бод, три помалку од водечката Барселона која претходно го победи Хетафе со 1:0 на „Камп Ноу“.

Атлетик Билбао е без победа на последните четири мечеви, а по шестиот пораз сезонава во „Ла Лига“ се наоѓа на осмото место на табелата со 26 бодови.

Во останатите дуели Виљареал пред своите навивачи ја победи Жирона со 1:0, а Елче и Осасуна ремизираа 1:1.