Кралот Чарлс ја покажа својата опуштена страна на приемот во замокот Виндзор, каде ја отсвире популарната детска песничка „Твинкл, твинкл, литл стар“ (Twinkle, Twinkle, Little Star) и тоа на морков, пренесува „Би-би-си“.

Twinkle, twinkle, little… carrot? King Charles tries out root music 🥕

King Charles played th popular nursery rhyme using a carrot at a reception to celebrate those involved in music at community level across the UKhttps://t.co/B4SpY0ZrQh pic.twitter.com/KVeirRFSiE

— BBC Breakfast (@BBCBreakfast) April 4, 2025

Настанот, на кој присуствуваа околу 350 гости, ги собра лидерите на музичката заедница и волонтерите од цела Британија за да ја прослават важноста на музиката во заедницата.

Посебно внимание привлече Лондонскиот оркестар за зеленчук, ансамбл кој користи рачно изработени инструменти од локален зеленчук како тиквички, пиперки, компири, репа и тиква. Еден од најпопуларните инструменти во нивниот состав се „флејтите од морков“ направени од музичкиот виртуоз Тим Кранмор.

Кралот среќно му се придружил на оркестарот, смеејќи се додека се обидувал да свири на морковот. На видеото и фотографиите можете да видите како Чарлс учествува во импровизиран настап заедно со членовите на ансамблот, а некои дури свиреле и на тиква или репка.

Лондонскиот оркестар за зеленчук е познат по своите настапи на приватни настани, работилници и кампањи ширум светот, а особена популарност стекна на крајот на 2024 година кога нивниот божиќен настап со песната „Џинг белс“ (Jingle Bells) стана вирален со повеќе од 11 милиони прегледи.